麥美娟代主婦吐苦水

莫日根哈日查蓋 · 發表於清·永熙元年十二月二十三日（冬）

【明報專訊】加風四起，作為基層代表嘅工聯會當然會為市民發吓聲，早前擔任工聯會新界辦主任嘅葵青區議員麥美娟，噚日聯同兩個主婦舉行記者會，講吓食物漲價搞到主婦都為團年飯好頭痛。佢哋調查咗近日街市行情同酒樓年夜飯嘅價格，睇吓對基層影響有幾大。

酒樓年夜飯貴一成

工聯會新界辦嘅調查發現，一般酒樓嘅年夜飯升幅都有成10％至15%，如果加得無咁多，菜單就會調整，例如乳豬全體就變拼盤咁。其中一個主婦鄭太一家六口住喺葵涌邨，佢話過去都會去酒樓做節，用成二千幾蚊，但今年慳啲，諗住用一千蚊買餸，想盡辦法平啲，包括搭巴士去深水埗買餸，就可以買到幾蚊一斤嘅菜心。

盛傳會喺新界西出戰立法會嘅麥美娟，除咗為主婦吐苦水，仲話新年自己都無假放，大年初一都會一如往年，喺區內派朱古力金幣利市，新一年密密做，唔知係咪為選舉鋪路呢？